【記者小雪/苗栗報導】客語版

「餳人个舊山線」翻華語→【吸引人的舊山線】係三義鄉公所出版个第二本客英雙語繪本。舊年，第一本「沙鼻慢城」繪本出版過後，受著各界阿腦【誇獎】讚揚，今年，再一擺邀請三義个妹仔彭歲玲先生轉來指導鄉內細人仔【小孩子】創作。從這兜小作家个作品裡肚，大家做得看著細人仔个無限想像力同潛力；用得人惜个創意分大家共下來傳承客話，還過重視文化資產个保存，共下來認識國際慢城-友善客庄-靚靚靚个三義。

「餳人个舊山線」主要就係描寫靚靚舊山線豐富个歷史摎【和】文化，從「將火車頭讓轉來」、「鐵道迷之旅」、「斷橋魔豆」个故事肚項，恩俚【我們】會發現小作家心中个舊山線毋單淨景色靚，還有多彩个奇幻。

這擺當榮幸邀請到客家廣播、電視節目、樂團主唱Rita小姐來到三義擔任主持演唱，融合客家母語歌謠同吉他伴奏，掀起活動个高潮，跈等【及時】由彭歲玲先生同吳宜燊先生進行客英雙語導讀，還有小小作家創作理念分享，最後再由Rita先生引領現場鄉親同小作家，歡喜唱出好聽客家歌曲，營聚爽快氣氛，透過聲音同舞感學習方式，將屬於台灣个母語「Hakka」文化透過美麗歌謠傳唱下去。

有形个火車頭、動植物同無形个龍神信仰，都在繪本肚項呈現，在小朋友个畫筆項感受著佢兜【他們】對家鄉淰淰个愛。這擺繪本故事共樣還係客話同英語二者並用，也合等客英雙語配音，用靚靚个客話連接開闊國際視野，期望分客家行向世界，也分世界認識客家！

三義是客家文化重點發展區，全鄉同心篤實个推動客語為通行語計畫，透過客語生活化-生活客語化个學習，分參加創作的小作家更深入了解國際慢城友善客庄三義个文化底蘊，澎澎老師轉妹家，透過厥个【她的】紹介引導開啟創意，聯想力、想像力等个訓練，分小作家勇敢發表自己个思為同想法，讓世界看到三義，永續傳承客家文化。

苗栗縣三義鄉公所「餳人个舊山線」新書發表會

日期：111年12月10日（星期六）

地點：三義鄉立圖書館-五樓藝文研習中心